Умму Жамил кимнинг аммаси?

    باسم الله، الحمد لله، و الصلاة و السلام على رسول الله، و على آله و أصحابه أجمعين، أمّا بعد     Савол: Пайғамбаримиз соллаллоҳу алайҳи васалламнинг  душмани Умму Жамил  кимнинг аммаси бўлган?    Жавоб: Умму Жамил унинг  кунясидир. Исми Арво бўлиб, Ҳарб ибн Умайянинг қизи, Абу Лаҳабнинг хотини, Абу Суфён ибн Ҳарб розияллоҳу анҳунинг опаси, Умму Ҳабиба бинти Абу Суфён розияллоҳу анҳумо билан Муовия ибн Абу Суфён розияллоҳу анҳумоларнинг аммасидир. Кўзи ғилай бўлгани учун унга Авро (العوراء) лақабини беришган. Пайғамбаримиз соллаллоҳу алайҳи васаллам ва мусулмонларга кўп ёмонлик қилгани учун эса Умму Қабиҳ деб аташган.