Масжиди набавий кенгайтирилмоқда

3 ой аввал 1938 siyrat.uz

Саудия Арабистони подшоҳи Абдуллоҳ ибн Абдулазиз Оли Сауд Мадинаи мунавварадаги Пайғамбаримиз соллаллоҳу алайҳи васалламнинг масжидларида энг катта кенгайтириш ишларини амалга оширишни буюрди. Бу қарорни молия вазири доктор Иброҳим ибн Абдулазиз Ассоф эълон қилди ва икки Ҳарам ходимининг Ислом ва мусулмонлар хизмати учун қилаётган ҳаракатлари натижаси эканини таъкидлади. Бу хизматларининг охиргиси Макка Ҳарамининг кенгайтирилиши эди. Бу кенгайтириш ишлари Пайғамбаримиз соллаллоҳу алайҳи васалламнинг масжидлари зиёратчилари учун анча енгилликлар туғдиради.

Доктор Иброҳим ибн Абдулазиз Ассофнинг Саудия ахборот агентлигига берган баёнига кўра, «Шоҳ Абдуллоҳ ибн Абдулазизнинг Пайғамбаримиз соллаллоҳу алайҳи васаллам масжидларини кенгайтириш лойиҳаси» уч босқич орқали амалга оширилади. Биринчи босқичдан сўнг масжид ўз ичига 800 минг намозхонни сиғдиради. Иккинчи ва учинчи босқичда эса, Ҳарамнинг шарқий ва ғарбий қисмлари кенгайтирилади ва шундан сўнг масжид кўшимча яна 800 минг намозхонни сиғдира олади. Сўзига қўшимча қилган ҳолда ушбу лойиҳа икки Ҳарам ходимининг буюрган бошқа лойиҳаларига қўшимча ҳолда эканини айтиб ўтди. Бу лойиҳалардан кўзланган мақсад ҳожилар, умра зиёрати ва Пайғамбаримиз соллаллоҳу алайҳи васалламнинг масжидлари зиёратига келганларга енгиллик яратиб бериш, Макка Ҳарами, Сафо ва Марва орасидаги юриш жойлари, тош отиш жойидаги кўприк, Маккадаги қурилиш ишлари, икки Ҳарам орасидаги поезд ва Жидда шаҳридаги «Шоҳ Абдулазиз» халқаро аэропорти лойиҳалари мазкур эзгу ишлар жумласидан эканини ҳам таъкидлади.  

Манба: alarabiya.net Муҳаммад Али таржимаси




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ