Пайғамбаримиз соллаллоҳу алайҳи васалламнинг ҳадислари ижтимоий рекламада

3 ой аввал 1547 siyrat.uz

 

Европа марказида жойлашган Австрия республикасининг пойтахти Вена шаҳри метрополитен станциялари ва трамвай бекатларида: «Биродарингизнинг юзига табассум билан қарашингиз садақа (яхшилик, савоб)дир!» Муҳаммад Пайғамбар», деб ёзилган ноёб ижтимоий реклама пайдо бўлди, деб хабар қилади ajib.fr ахборот портали.

Бу ижтимоий рекламанинг ташаббускорлари шаҳар ҳокимлиги ва Вена Ислом федерацияси (IFW) бўлишди.

Бундан кўзланган мақсад жамиятни толерантлик (муросасозлик), ўзаро ҳурмат ва ижтимоий бирдамликка чақириш билан бирга Ислом дини ва Пайғамбаримиз Муҳаммад соллаллоҳу алайҳи васалламнинг ҳақиқий сиймоларини тиклашдир.

Эслатиб ўтиш жоизки, охирги 10 йил ичида Австрияда мусулмонлар сони кескин ўсган. Жумладан, 2001 йил мусулмонлар Австрия аҳолисининг 4,2%ини ташкил қилган бўлишса, 2010 йил 500 мингдан ошган мусулмонлар 6,2%ни ташкил этишмоқда.

Ҳозир Австрияда сон жиҳатидан иккинчи ўринда турган протестантлар ўз ўринларини ўсиб келаётган мусулмон аҳолига бўшатиб берди.

М.Хотамий

 



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ