Рисолатдан Ҳижратгача Исломий даъват босқичлари

   Расулуллоҳ соллаллоҳу алайҳи васаллам пайғамбар бўлишларидан бошлаб то вафотларига қадар Исломий даъват тўрт босқични босиб ўтди: Биринчи босқич: уч йил давом этган махфий даъват. Иккинчи босқич: ҳижратгача давом этган, фақат оғзаки услубда қилинган ошкора даъват. Учинчи босқич: Ҳудайбия сулҳигача давом этган, уруш бошлаганларга, тажовузкорларга қарши жанг қилиш билан бўлган ошкора даъват. Тўртинчи босқич: бутпараст, худосиз, мушриклардан иборат Исломга киришдан бош тортган ёки даъват йўлига ғов бўлганларга қарши жанг қилиш орқали очиқ даъват.