Муҳаммад соллаллоҳу алайҳи васалламнинг сийрати

9 йил аввал 4201 siyrat.uz

Муҳаммад соллаллоҳу алайҳи васалламнинг сийрати Ҳазрат Мавлоно Сиддиқ Аҳмад Бандви Соҳиб раҳматуллоҳи алайҳи Муқаддима

Ҳар бир даврда кўплаб ёзувчилар Набий соллаллоҳу алайҳи васалламнинг сийратларига оид турли ҳажмдаги китоблар ёзишган. Бу хизмат ҳамон давом этмоқда, улкан уммондан қимматбаҳо тошлар топилмоқда. Ҳеч шубҳа йўқки, ҳақир (камина) бу майдонда иш кўрсатиш учун етарли билимга эга эмас. Шунга қарамай, натижаси қандай бўлишидан қатъи назар, ушбу муборак мавзуда нимадир ёзишга бўлган хоҳиш қайта-қайта уйғонаверди. Шоядки, бу амалим охиратда нажот топишимга восита бўлса… Шундай қилиб, сийрат мавзусида ёзилган турли китоблардан муҳим маълумотларни олиб, мўъжаз китобча шаклида жамлаш вазифасини зиммамга олдим. Бунда китобнинг тили барча учун тушунарли, услуби енгил бўлишига эътибор қаратдим. Аллоҳдан қилган меҳнатимни қабул қилишини, китобни ўзимга ҳам, бошқаларга ҳам манфаатли қилишини сўрайман. Ушбу амалим воситасида охиратда нажот топишдан умидворман… Ҳазрат Қори Аҳқор Сиддиқ Аҳмад. Араб тили Университетти ходими Ҳазора, Ҳиндистон. 13 Шаввол, 1416 йил. Бисмиллаҳир Роҳманир Роҳим Набий соллаллоҳу алайҳи васалламнинг туғилиши Пайғамбаримиз соллаллоҳу алайҳи васаллам душанба куни тўққизинчи Рабиъул аввал ойида (20-апрель, 571), субҳи содиқ вақтида таваллуд топганлар. Баъзи тарихчилар бу кунни саккизинчи ёки ўн иккинчи Рабиъул аввал бўлиши мумкин дейди. Шажараси Расулуллоҳ соллаллоҳу алайҳи васалламнинг отасининг исми Абдуллоҳ эди. Унинг (Пайғамбаримиз алайҳиссаломнинг) ота томондан насаби қуйидагича эди: Муҳаммад соллаллоҳу алайҳи васаллам ибн Абдуллоҳ ибн Абдул Мутталиб ибн Ҳошим ибн Абдуманоф ибн Қусай ибн Килоб ибн Мурра ибн Каъб ибн Луай ибн Ғолиб ибн Фиҳр (ибн Молик - тарж ) ибн Назр ибн Кинона ибн Ҳузайма ибн Мудрика ибн Илёс ибн Музар ибн Низор ибн Маъадд ибн Аднан. Пайғамбаримиз соллаллоҳу алайҳи васалламнинг муҳтарама оналарининг исми Омина эди. Унинг (Пайғамбаримиз алайҳиссаломнинг — тарж.) она томондан насаби қуйидагича эди: Муҳаммад соллаллоҳу алайҳи васаллам ибн Омина бинти Ваҳб ибн Абдуманоф ибн Зуҳра ибн Килоб. Иккаласининг (Пайғамбаримиз алайҳиссаломнинг ота ва онасининг — тарж.) насаби Килобда бирлашади. Шундан кейин насаб бир хил. Набий соллаллоҳу алайҳи васалламнинг ота томондан бувисининг исми Фотима ва она томондан бувисининг исми Барра эди. Набий солаллоҳу алайҳи васалламнинг уруғи ва қабиласи (мос равишда) Бани Ҳошим ва Қурайш деб номланган. Набий соллаллоҳу алайҳи васалламнинг бирорта ака-укаси ёки опа-синглиси бўлмаган.

Набий соллаллоҳу алайҳи васалламнинг вояга етишлари

Набий соллаллоҳу алайҳи васалламни аввало онаси эмизган, кейин амакиси Абу Лаҳабнинг озод қилган чўриси Сувайба эмизган. У Сувайбадан ўғил жияни туғилгани ҳақида янгиликни қабул қилгач, хурсандлигидан уни озод қилган эди. Шундан сўнг, Набий солаллоҳу алайҳи васалламни Ҳалимаи Саъдия розияллоҳу анҳо эмизди. Икки йилдан сўнг Ҳалимаи Саъдия розияллоҳу анҳо Набий солаллоҳу алайҳи васалламни Маккага онасига олиб келди, лекин у (Ҳалима розияллоҳу анҳо — тарж.) уни (Набий соллаллоҳу алайҳи васалламни — тарж.) уйига қайтариб олиб кетаман ,деб туриб олди. Ҳалима розияллоҳу анҳонинг ўғиллари эчкини ўтлатгани олиб кетаётганда Набий соллаллоҳу алайҳи васаллам уларга (Ҳалима розияллоҳу анҳонинг ўғилларига – тарж.) шерик бўлардилар. Айнан шу сайрларнинг бирида фаришта Жаброил алайҳиссалом томонидан машҳур ҳодиса — Набий соллаллоҳу алайҳи васалламнинг кўкрак ёрилиш воқеаси содир бўлди. Кутилганидек бу ғалати воқеадан Ҳалима розияллоҳу анҳо жуда хавотирга тушди ва Набий соллаллоҳу алайҳи васалламни олиб Маккага қайтди. Пайғамбаримиз алайҳиссаломнинг онаси у олти ёш бўлганда вафот қилди. Шундан сўнг бобоси Абдул Мутталиб уни қарамоғига олди. Икки йилдан сўнг бобоси ҳам вафот этди. Шундан сўнг амакиси Абу Толиб унга ғамхўрлик қилишни зиммасига олди. У ушбу вазифани то ўлимига қадар муҳаббат билан адо этса ҳам, афсуски, Ислом динини қабул қилмади.




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ