СИЙРАТГА ТАТБИҚ
9 йил аввал 2417 siyrat.uz
Аллоҳнинг номи ила бошлайман сўзим,Сийрат лавҳасидан ёшланди кўзим,
Ўзгалар тавсифи бизга не керак?!
У Зотнинг сийрати бизларга ўрнак!
Вақтларнинг тожидир асри саодат,
Уммат яшар умид қилиб шафоат,
Ҳавзи кавсарига талпинар юрак,
У Зотнинг сийрати бизларга ўрнак!
У Зотнинг таърифига ожиздир қалам,
Йўқотган кунига йиғлайди олам.
Ҳадислар татбиқи энг олий тилак,
У Зотнинг сийрати бизларга ўрнак!
Набийнинг сўзлари меросдир бизга,
Ҳадис ўрганишга шимаринг билак.
Амал қилмоқ вожибдир барчамизга,
У Зотнинг сийрати бизларга ўрнак!
Сийратин ўрганинг ҳар кун, ҳар замон,
У Зотга муҳаббат саналар иймон.Ўрганиш восита, татбиқи мақсад.У Зотнинг сийрати бизларга ўрнак!
Расулга муносиб уммат бўлайлик,
Исломнинг хизматин ҳар кун қилайлик.
Бизга не иш қолди булардан бўлак?!
У Зотнинг сийрати бизларга ўрнак!
Шу ерда байтларин тамомлаб Ийсо,
Не бўлар мавзуга қилса интиҳо?
Сўзлари соғинчдан беради дарак,
У Зотнинг сийрати бизларга ўрнак!
Ҳурмат билан «Кўкалдош» ўрта махсус ислом билим юртининг 3-курс талабаси Бобохонов Ийсохон
Аввалги мақола
Пайғамбаримиз соллаллоҳу алайҳи васалламнинг 9 хотинлари бор дейилган...
Кейинги мақола
Муҳаммад соллаллоҳу алайҳи васаллам − комил инсон (4.5.6)
Мавзуга оид мақолалар