Риом қиссаси

Ибн Исҳоқ: Туббаъ қавмининг Риом деб аталувчи бир ибодатхоналари бор эди. Улар уни улуғлаб, олдида қурбонликлар қилишар, унинг номидан гапиришар эди. Чунки яманликлар у пайтда ширкда эдилар. Икки донишманд Туббаъга: «Шайтон қавмни шу уй билан адаштирмоқда. Бу уйни бизга холи қолдир»,  дейишди. Подшоҳ: «Ўзларингиз биласиз»,  деди. Яманликларнинг айтишларича, икки донишманд ибодатхона ичидан бир қора итни олиб чиқиб, сўйиб ташладилар. Сўнгра бу уйни бузиб юбордилар. Менга айтишларича, бу ибодатхонанинг бугунги кунги қолдиқлари олдида тўкилган қон излари ҳозир ҳам бор экан.