Пайғамбар эркак кишилардан бўлади

3 йил аввал 3330 Шайх Муҳаммад Содиқ Муҳаммад Юсуф

Пайғамбарларга лозим бўлган сифатлардан яна бири уларнинг эркак кишидан бўлишидир. Бу ҳақда Аллоҳ таоло Муҳаммад алайҳиссаломга қуйи­даги хитобни қилади:

«Сендан олдин ҳам шаҳар-қишлоқ аҳлидан фақат эр кишиларни расул қилиб юбориб, уларга ваҳий қилганмиз, холос» («Юсуф» сура, 109-оят).

Яъни, аввалги пайғамбарларнинг ҳаммаси ҳам шаҳар аҳолисидан бўлган, саҳровийлардан эмас. Чунки шаҳар аҳли тарбияли бўладилар, муомалани яхши биладилар, даъват ишларини олиб боришда сабр-матонатли ва яна шунга ўхшаш зарурий сифатларга эга бўладилар.

Шунингдек, ўтган пайғамбарларнинг ҳаммаси ҳам эркак кишилар бўлган. Хотин киши ёки фаришталар пайғамбар бўлмаган. Чунки аёлларнинг табиий, жисмоний тузилишлари пайғамбарликдек оғир вазифага мос эмас. Фаришталарнинг ҳам одамларга пайғамбар бўлишлари мақсадга мувофиқ эмас.

Бунда зинҳор аёлни пастга уриш маъноси йўқдир, балки унинг аёллигини эътиборга олиб, уни машаққатга солмаслик риояси бор. Агар баъзилар ўйлаганидек, аёлни пайғамбарликдан узоқ қилиш нияти бўлганда, унинг пайғамбарларга она бўлиши ҳам раво кўрилмас эди. Ҳа, пай­ғамбарларни ҳам аёллар туққан!

«Ҳадис ва Ҳаёт. 20-жуз. Анбиёлар қиссаси» китобидан




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ