Ҳижрий 694 йил, милодий 1295 йил, Илхоний мўғулларнинг хоқони Кайхоту ибн Абақа ўлдирилди, унинг ўрнига Бойду ибн Тарағай ҳукмронликни қўлга олди.
Ҳижрий 951 йил, милодий 1544-1545 йиллар Европа подшоҳлари Усмонлилар давлатининг Венгрия устидан суверенитетини тан олди. Усмонли қўшинлари томонидан Венгрия забт этилиб, ўз ҳокимиятига қўшиб олди.
Ҳижрий 982 йил, милодий 1574 йил Усмонлилар Испаниядан Тунисни тортиб олди (аввал Ҳалқ ал-Водий қалъаси олинди). Бу юришда беш минг испан ва италиялик аскар ўлдирилди, уч минг киши асир олинди, 225 та тўп ўлжа қилинди. Сўнгра испанлар қайтиб келмаслиги учун қалъа портлатиб юборилди.
Ҳижрий 1083 йил, милодий 1672 йил Усмонли қўмондони Қоплон (Қаблан) Мустафо Пошо Подолияни фатҳ қилди ва у ерда «Камонижа» (Каменетс) элатини ташкил қилди. Бу ҳудуд аввал Полшага қарашли эди.
Ҳижрий 1293 йил, милодий 1876 йил Султон Абдулазизхон (Султон Маҳмуд II нинг ўғли) Усмонлиларнинг ўттиз иккинчи силсиласидаги халифа лавозимидан олиб ташланди.
Ҳижрий 1327 йил, милодий 1909 йил Француз қўшинлари Марокашнинг жанубини босиб олди.
Ҳижрий 1370 йил, милодий 1951 йил Франция мустамлака маъмурияти Тунисда Зайнул Обидин Сануси чиқарадиган «Тунис» газетини иккинчи марта тўхтатди.
Ҳижрий 1403 йил, милодий 1983 йил Ҳиндистоннинг Ассам штатида Неллиэ қирғини содир бўлди. Бу ишни Lalung (Tiwa) қабиласи эркаклари мусулмонларга қарши амалга оширди.
Ҳижрий 1409 йил, милодий 1988 йил АҚШ илк бор Фаластин Озодлик Ташкилоти (ФОТ) билан тўғридан-тўғри музокаралар ўтказишга рози бўлди. Бу, БМТ томонидан ФОТнинг фаластин халқининг қонуний вакили сифатида тан олиниши ва кузатувчи мақомида аъзолик берилишидан кейин юз берди.
Ҳижрий 1420 йил, милодий 1999 йил Туркиянинг шимолида Рихтер шкаласи бўйича 7,4 балл кучга эга зилзила содир бўлиб, 17 минг киши ҳалок бўлди, 44 минг киши жароҳатланди.
Ҳижрий 1425 йил, милодий 2004 йил Эрон ҳукумати ҳудудига рухсатсиз кириб келган британиялик денгизчиларни озод қилишга қарор қилди.
Ҳижрий 953 йил, милодий 1546 йил Усмонлиларнинг ўн иккинчи султони Мурод III таваллуд топди.
Ҳижрий 937 йил, милодий 1530-1531 йил Заҳириддин Муҳаммад Бобур таваллуд топди.
