Ҳижрий 694, милодий 1295 йил Мўғул илхон Ғазон исломни қабул қилди ва ўзини Маҳмуд деб атади. Унинг исломга кириши ортидан лашкаридан жуда кўпчилиги мусулмон бўлди.

Ҳижрий 1334, милодий 1916 йил Шариф Ҳусайн ибн Али бошчилигида Усмонли давлатига қарши Араб қўзғолони бошланди.

Ҳижрий 1367, милодий 1948 йил Фаластинда биринчи сулҳ эълон қилинди. Араб қўшинлари билан яҳудий қуролли гуруҳлари ўртасида ўт очишни тўхтатиш бўйича келишув бошланди. Келишувни халқаро воситачи граф Фольке Бернадот олиб борди.

Ҳижрий 1433, милодий 2012 йил Сурияда Риёд Фарид Ҳижоб бошчилигида янги ҳукумат тузилди.

Ҳижрий 26, милодий 647 йил Ҳазрати Али розияллоҳу анҳунинг ўғиллари, Ҳусайн розияллоҳу анҳунинг укалари, Карбало воқеасида сафдош бўлган Аббос ибн Али дунёга келди.

Ҳижрий 440, милодий 1049 йил форс мусулмони ва шоир Абу Саъид Абул Хайр вафот этди.

Ҳижрий 454, милодий 1062 йил Бани Зирий (Зиридлар) давлатининг тўртинчи султони Муизз ибн Бодис вафот этди.

Ҳижрий 683, милодий 1284 йил форс шоири, тарихчи ва Ҳулокуийлар вазири Шамсад Дин Муҳаммад Жувайний вафот этди.  У Хоразмшоҳ Алоуддин Муҳаммад II (ҳукмронлиги 1200-1220 й.) ва унинг ўғли Жалолиддин Мангуберди (ҳукмронлиги 1220-1231) даврида давлат ғазначиси (муставфий) лавозимида ишлаган.