Эй кўзларим, саховат ва шараф соҳибининг (вафотига) фарёд солиб тинмай йиғла ва (алам билан) қаттиқ ёш тўк. Эй кўзларим, ўтинаман, бетўхтов қуйилувчи ёшлар билан менга ёрдам бер(ки, мен тўйиб-тўйиб йиғлайин). Сен чавандозларнинг энг яхшиси ва (саховатда) гўё дарё мавжидек бўлмиш отанг «Шайбат ал-хайр» (Абдулмутталиб)га йиғла. Ахлоқи гўзал, олий фазилатлар эгаси, юмшоқ табиат ва эҳсони ёқимли бўлган зот «Шайбат ал-ҳамд»га (йиғла). Яқинларига саховат қилувчи, ёқимли қурғоқчилик йиллари (эҳсони) ила баракали ёмғир янглиғ бўлмиш (зотга йиғла). Кишилар унинг ғайратига мафтун бўладиган ва жанг майдонларида шердек шижоатли (зотга йиғла). Замон бедодликлари чоғида Бани Кинонанинг донишманди, ҳимоячисига (йиғла). Даҳшат ва қўрқинчли кунларда (кишиларга) суянчиқ бўлган ёрдамчига (йиғла). Унга йиғлагинки, ҳаргиз унинг қайғусидан чарчама ва модомики (дунёда) йиғловчилар бор экан, тўхтамай йиғлайвер.
